姑娘1係一個好得意嘅生物。由一個斯斯文文，聽我哋講黃色笑話會面紅嘅媽媽，變咗個自己會作粗口歌嘅師奶。
姑娘1日經常都有啲好奇怪嘅經歷/睇法/金句：
1. 我近排養咗隻唐狗，我唔係好識教佢因為我第一次養狗。姑娘1比我嘅建議就係叫我同佢講中文，唔好講英文，因為佢係一隻「唐狗」，佢驚隻狗唔識聽英文。
2. 講開生仔，佢話你個細路嘅可遇不可求，粉紅色乳頭，係睇得出你下一胎會生細佬或者妹妹。如果個乳頭係凸嘅，好似話下一胎係女。如果係凹入去有一條橫間係中間(????)，就會下一胎生仔。我唔記得咗有冇掉轉講咗，因為我哋個個已經黑人問號緊。佢話係有一次煙霧離漫嘅時候，佢係公廁附近有一個老婆婆漫步行近佢嘅時候講比佢聽。我唔敢問其他人其實見唔見到個老婆婆。
3. 有一次過完海底隧道，佢架車可以無端端俾個轆撞親。唔係比架車撞，係淨係比一個喺高速公路，一路滾滾滾滾滾滾落黎嘅轆，唔早3秒唔遲3秒，偏偏就係嗰1秒撞正佢架車。佢停低架車嘅時候，仲要望吓係唔係個轆係唔係自己架車跌咗出嚟。
～～～
消費左你咁耐，多謝姑娘1你嘅手信哈哈，同埋你嘅荔枝樹收成係超超超級甜。不過佢又話聽人地講話樹下面埋D狗同貓屍體，D荔枝會甜D.....
Search